إفهم دواك تحفظ صحتك
سلامتك هاتشرحلك انواع الادوية و ازاي تتعامل معاها لصحة افضل.
1- أدوية الاستخدام الطويل زي ادوية الضغط و السكر، الادوية دي مش بنبطلها و لا بنبدلها غير بعد الرجوع للدكتور لان الادوية دي الجسم بيتعود عليها و علي تاثيرها عشان كدة لازم نحافظ علي مواعيدها ثابتة.
2- ادوية الاستخدام القصير زي المضادات الحيوية و ادوية العلاج النفسي و العلاجات الهرمونية البديلة ، طبعا بناخدها حسب تعليمات الدكتور و مش بنجددها او بنغير الجرعة غير بعد الرجوع للدكتور و كمان لازم نحافظ علي مواعيدها لضمان النتائج المطلوبة.
3- الادوية عند الحاجة زي المسكنات و ادوية الحموضة و الحساسية طبعا لازم ناخد الجرعة المكتوبة و مانزودهاش من نفسنا و نستخدمها عند الحاجة فقط.
سلامتك بتنصح بتخزين الادوية بعيد عن متناول الاطفال و كمان لازم تحفظ في مكان بارد بعيد عن الرطوبة و اشعة الشمس المباشرة.