أمراض المناعة كتير مش نوع واحد و سلامتك هتعرفك علي الأنواع او أهم ما يميز كل نوع.
بيتم تصنيف أمراض المناعة بناءاً علي الأنسجة أو الأعضاء المتأثرة، ونوع الاستجابة المناعية، والآليات المرضية.
1- أمراض المناعة الذاتية و هي الأكثر شيوعاً و ده بيحصل نتيجة مهاجمة الجهاز المناعي أجزاء مختلفة من الجسم زي التصلب المتعدد و الروماتويد و أمراض المناعة الذاتية العضوية زي مرض كرون و مرض هاشيموتو.
2- أمراض نقص المناعة و هنا بيكون الجهاز المناعي ضعيف و لا يستطيع مقاومة العدوي و ينقسم لنوعين و هما نقص المناعة الأولي و ده بيحصل عن طريق خلل وراثي في الجهاز المناعي او النقص المكتسب و ده بيحصل بسبب العدوي الخارجية زي فيروس نقص المناعة البشرية أو الادوية.
3- فرط الحساسية و ده بيكون بسبب الإستجابة المبالغ فيها من الجهاز المناعي لمواد غير ضارة زي حبوب اللقاح او الغذاء.
سلامتك بتنصح بإستشارة طبيب حساسية و مناعة لو بتعاني من اي نوع من أنواع الحساسية للتشخيص و العلاج.