زيت حبة البركة هو واحد من الزيوت المستخدمة في الطب الشعبي علي مستوي واسع و علي مدار الاف السنين و ده لأنه فيه العديد من المكونات النشطة بيلوجياً زي الثيموكينون وهي المادة المتواجدة في حبة البركة اللي بتساعد علي تقليل الإلتهاب وبتحارب سرطان البنكرياس.
سلامتك هاتقولك علي أبرز فوائد زيت حبة البركة:
1- مقوي للمناعة وبيساعد علي مكافحة الإلتهابات و العدوي.
2- مضاد قوي للأكسدة و بيحمي الخلايا من التلف.
3- مضاد للالتهابات و له تأثير قوي في علاج إلتهابات المفاصل.
4- بيحسن قدرة الجهاز الهضمي و بيخفف من أعراض عسر الهضم و الإنتفاخ.
5- معالج جيد لمشاكل الجلد زي الأكزيما والصدفية وحب الشباب و في الحاله دي بيستخدم كدهان علي الجزء المصاب.
6- يساهم في تقوية الشعر و زيادة طوله و يقلل من تساقطه.
7- بيساعد علي ضبط مستوي السكر في الدم.
8- بيحسن صحة القلب و الشرايين.
ممكن تناول زيت حبة البركة عن طريق الفم أو إستخدام خارجي أو عن طريق إضافته للأكل و المشروبات.
وعشان صحتك هدفنا سلامتك بتنصح بإستشارة الطبيب لأنه قد تتداخل مع بعض الأدوية و قد تسبب الحساسية.